巴西在首戰對塞爾維亞一仗表現出積極的逼搶,絕對係近乎頂級球會的運作水平。AP
巴西在首戰對塞爾維亞一仗表現出積極的逼搶,絕對係近乎頂級球會的運作水平。AP


今屆世界盃唔少賽事的補時都比以往大家習慣的足球賽為長,每每補時逾十分鐘。對球迷來說,若果場波精采刺激還好,一場悶戰仍要拉長簡直係折磨。據瑞士CIES足球觀察的數據分折研究,五大聯賽的實際比賽運行時間只有百分之五十五至五十八左右,一場九十分鐘賽事,實際只有約五十二分鐘左右係真正比賽時間。而家嘅長補時,在現今高強度、高密度的賽期,簡直係攞球員條命。所有商業活動、廣告安排、電視轉播都會受不同程度影響,總括而言,個人對此非常反感。

大熱門巴西在首戰對塞爾維亞一仗表現出積極的逼搶,絕對係近乎頂級球會的運作水平,能令尼馬等超級球星做咁多「下欄」嘢,實在要對教練致敬,亦足證巴西對世界盃的決心,呢個戰術配置能最大程度上掩飾防線的老態和弱點。難怪在外圍賽能取得十四勝三和,入四十球只失三球。我係瑞士的話,放棄呢場,留力對塞爾維亞,推介讓球主勝「-1/-1.5」。馬高

立即下載 | 全新《星島頭條》APP : https://bit.ly/3yLrgYZ