世界盃2022｜專欄:阿根廷爭出線唔易入「波」

更新時間：08:30 2022-11-30
發佈時間：08:30 2022-11-30

阿根廷慘負沙特阿拉伯一比二後，上場打番場爭氣波，兩球淨勝墨西哥。美斯?遠距離射球固然精采，但安素費南迪斯?表現更加值得留意。呢位廿一歲中場今季?賓菲加上陣十五次，已經有一個入波同三次助攻。個人盤扭同射術唔錯之餘，?中場鋪橋搭路?工作亦做得好好，係一位幾有潛質?球員。

艾爾講過日本隊?三笘薰係球隊?X factor，而安素費蘭迪斯絕對係阿根廷?X factor。不過，今場對波蘭係關鍵一戰，按領隊史卡朗尼之前安排，安素費南迪斯應會繼續做後備先。如果阿根廷今場用番上場對墨西哥?首發陣容，艾爾覺得唔係咁易贏波蘭。

波蘭今年三月由米希尼域治接任，球隊?六場歐國聯賽事只得兩勝一和，表現唔算太好。不過，睇番波蘭今屆世界盃?頭兩場賽事，擺出「三四三」陣式，防守上做得唔錯。上場面對沙特阿拉伯十六次射門，仍然可以保持不失，當中門將施捷斯尼作出五次撲救，睇?呢個三中堅陣式有?功效。

當然，波蘭攻力極度麻麻。艾爾認為主要因為前鋒羅拔利雲度夫斯基係一個需要依賴中場供應?射手，但球隊中場缺乏創造力，進攻點又太單一，進攻上較為啞火。波蘭今場只要和波就可以出線，相信米希尼域治會繼續用三中堅陣式，抵擋「潘帕斯雄鷹」?進攻，再睇下有無機會製造反擊。

面對波蘭較為硬淨?防守，阿根廷唔容易破密集，史卡朗尼早段相信唔會太過進取。艾爾估計今場阿根廷唔係咁易入到波，要讓球受讓「+1/1.5」球下盤，走地到下半場再諗買入球大。 --- 艾爾

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

最Hit

17小時前

8小時前

11小時前

8小時前

2024-04-15 19:05

2024-04-15 22:00

2024-04-15 17:10

2小時前

11小時前

9小時前