荷蘭整體表現欠說服力。Reuters
荷蘭整體表現欠說服力。Reuters


相信大家喺三輪分組賽之前,都無諗過摩洛哥喺F組同克羅地亞及比利時同組之下,能以首名昂然晉身淘汰賽,上屆亞軍克羅地亞則以次名出線,而原本出線熱門比利時幾場比賽表現老態龍鍾,只能排小組第三黯然出局。出局後,領隊馬天尼斯馬上以約滿為由離職,比利時足總亦已發出官方聲明感謝佢六年以來的貢獻,至此,比利時黃金一代正式踏入黃昏。

緊接着十六強賽事,首先出場係A組首名荷蘭對住B組次名美國。美國喺今屆分組賽的表現令人驚喜,最令人深刻係對英格蘭的比賽入面,平均年齡二十四歲唧美國兵,以速度同埋體力不斷進襲英格蘭防線,令賽前被提高一線英格蘭完全被比下去。

另一邊廂,荷蘭雖然喺A組首名出線,但整體表現實在欠說服力,尤其對厄瓜多爾的比賽更加全場只有兩腳射門,「預期入球」只有零點一之下幸和對手。最後對著篤定出局的卡塔爾全場圍攻下取勝,不過比賽中多次出現中前場「斷纜」及門前失機,令好多荷蘭粉絲都對球隊表現唔太滿意。

綜觀兩隊狀態,筆者有信心年輕?美國隊對住荷蘭有力爆冷,大膽預測美國可以小勝而回。 - 球樂

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ