坐擁球王美斯嘅阿根廷似乎比荷蘭更勝一籌。Reuters
坐擁球王美斯嘅阿根廷似乎比荷蘭更勝一籌。Reuters


世界盃八強賽事今日正式開始,筆者趁呢兩日空檔叉足電後繼續追埋佢。荷蘭今屆的晉級過程並未受到太大考驗,分組賽有三支出線隊伍都喺三戰七分晉級,荷蘭就是其中之一。去到十六強戰勝美國嘅比賽,先見到荷蘭隊的整體有明顯改進,陣中主力法蘭基迪莊及迪比,雖然喺球會出場機會唔多,但嚟到國家隊之後表現就一場比一場好,領隊雲加爾對此居功不小,而球隊喺佢嘅帶領下一改以往華麗球風變成穩陣平實嘅踢法,亦係橙衣軍團進步嘅關鍵。

阿根廷嘅情況其實同荷蘭有啲類似,整體表現都係比較慢熱之餘,同樣球風比較穩陣平實,跟同為南美球隊嘅巴西比較,就更加見到當中分別。另外喺度我都想讚下佢哋領隊史卡朗尼用人果斷,並無迷信拿達路馬天尼斯及柏利迪斯等名牌球員,喺球隊需要改變時改用阿歷斯麥亞里士打及祖利安艾華利斯後迅速得到成效,呢方面同已出局嘅比利時更係一個天一個地。

兩隊係狀態同實力都好接近嘅隊伍,過去五場對賽嘅成績亦恰恰係兩勝一和,筆者認為勝負將會變成兩隊「王牌」之間嘅對決,係呢方面坐擁美斯嘅阿根廷似乎更勝一籌。—球樂

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ