專欄|米蘭打吡 國際打落水狗?

更新時間:09:00 2023-02-05
發佈時間:09:00 2023-02-05

今晚好波連場,除咗熱刺大戰曼城,深夜更有意甲的米蘭巿打吡戰。買波嚟講,我首先會賭作客諾定咸森林的列斯聯,呢場排名相若之戰,森林排13位而對手列斯聯排15位,足智彩開平手盤,森林對上五次對列斯皆贏盤,兩勝三和不敗,正常的話會秤先森林少少,睇番列斯十二月打後,火力回復上季的瘋狂,近6場入14球,非常生猛,平手盤太抵。

國際米蘭主場迎戰同巿宿敵AC米蘭,近況上相差甚大。國米自己本身在士氣上算唔錯,周中亦擊敗阿特蘭大入意大利盃四強,但亦代表會有消耗。紅黑軍團十二月之後非常濕滯,自從2:2被羅馬逼和,連續六場不勝,上月中亦在沙特阿拉伯舉行的意大利超級盃以0:3大敗於國米腳下,之後兩場聯賽AC米蘭亦分別以0:4及2:5大敗,連續兩場失4粒以上,破咗球會史上最差紀錄。

在如此形勢下,A米的首要工作,不是要贏波而是止血,因為後防問題顯而易見,周中操練時,教練皮奧利刻意試兩個新陣,「433」及「352」去針對防守問題,呢個準備工作,反映了教練好大機會作針對式處理。呢種格局下,總括來說,上盤唔穩,尤其讓平半低水實在有引人之嫌,相反入球大細的2.5球細更值博。馬高

立即下載 | 全新《星島頭條》APP : https://bit.ly/3yLrgYZ