頭條日報 頭條網 - 一追再追因未服(子健BLOG:暫時上載至頭條Story)
頭條Story
  
一追再追因未服(子健BLOG:暫時上載至頭條Story)

你係唔信邪的人嗎?當面問你,縱係,也未必會認,好多人斬釘截鐵,唔信、唔信,轉過頭,神推鬼㧬又會信,終究只可怪自己,唔夠堅持,甚至硬塞藉口。

買馬前,先度馬,無論你係邊門、邊派,都避免唔到會畀藉口某類馬,多係搏極未贏,偶一輸近,甚或在所謂的強組,不論贏馬、上名、輸近,只要記在心,唔少人(包括我)有時確驅唔走心魔。

未輸到服之前,不斷以另一個藉口,去打之前的藉口,幾時輸到服?因人而異,堅持次次追,追到幾時?

與其常博長輸馬變身,倒不如長買當銳馬,今周三四班谷草一哩,霍利時的「睡眠攻略」次次唔入三甲,次次偏熱,還值得畀藉口嗎?同場既有三落四班的「湛江最醒」,又有夠銳的「機緣巧俠」、「藍海策略」,甚至「帝豪大師」,點解唔買呢類馬?

子健