馬會大董係身分象徵，而剛過去馬會董事局改選，由於罕有地出現競爭，由八人爭七席，因此引起外界唔少人關注同討論。結果新人胡家驃、馮婉眉同龔楊恩慈成功當選入董事局。其中胡家驃係資深馬主，其家族養馬多年，向來以「喜蓮」為名，對推動香港賽馬運動作出唔少貢獻。今日沙田賽事，第八場三班千二米泥地「喜蓮慧星」會出賽，如果季內一出即勝，對於胡家來講，就喜上加喜。

元化