主題Guide | 美食Guide | 消閑Guide | 潮物Guide | 視聽Guide
內容搜尋

27 - 10 - 11

  過萬聖節,未必一定要被嚇餐死先夠過癮!驚嚇刺激有趣兼備,分分鐘仲好玩,好似女子跳舞組合HotCha的Crystal,是日來到迪士尼樂園,勇闖以斷頭騎士為主題的黑色世界,甫踏入全新鬼屋「黑色馬戲班」,已經被神秘莫測的馬戲班陰森環境、不時彈出來的詭異怪人嚇到不停尖叫,大讚驚嚇度更勝去年!

幾乎每年都會來迪士尼玩鬼屋的Crystal,自言非常細膽,不過同大部份人一樣又要驚又要玩!

馬戲團化身鬼域
  幾乎每年都會來迪士尼玩鬼屋的Crystal,自言非常細膽,不過同大部份人一樣又要驚又要玩!全新的「黑色馬戲班」為必玩項目驚嚇度頗高,玩家會在馬戲班內穿梭探險,期間會經過各個神秘又陰森的場景,以馬戲班班主為首的鬼怪人物則隱藏其中,隨時撲出嚇你一個措手不及。只見打頭陣的Crystal不斷扯着身邊同公司的韋雄衣袖,每隔一陣就聽到她的尖叫聲,都咪話唔驚!



HotCha的Crystal來到迪士尼樂園,勇闖以斷頭騎士為主題的黑色世界,甫踏入全新鬼屋「黑色馬戲班」。
黑色馬戲班氣氛勁恐怖,好得人驚!

  Crystal玩後覺得相當刺激,仲驚過上年咁話!「除咗驚,都有留意到堶悸漣G置非常靚,特別是一眾哥德式服飾就相當值得一睇!絕對要Encore再玩!」至於韋雄亦大讚鬼屋比預期中更激更好玩!

陰森恐怖的水晶球讓你看見「自己」‥‥ 馬戲班班主向人展示恐怖收藏品。 無頭熒光少女大跳肯肯舞。

用上AR技術,可以隨時和妖魔鬼怪合照!
iPhone拍下鬼合照
  至於場外亦有新搞作AR(實境擴張),只要手持iPhone或iPad,下載並開啟專為Halloween而設的應用程式,以鏡頭對準印有圖像密碼的眼鏡或海報,各種妖魔鬼怪便會即時撲出,可隨時隨地玩合照,相當有趣!

另一新景點「咒怨黑森林」內有黑白無常、蛇女等四處遊走,加上層層濃霧,叫人心寒。 巡遊的一眾南瓜怪人。

斷頭騎士在巡遊一開始即騎馬登場,記得不要錯過。 當有強勁音樂響起,便可與群魔大跳勁舞!

  另一不能錯過的是舊美國人間鬼鎮,當有強勁音樂響起,街上遊走的群魔便即時起舞,更會教遊人跳勁舞互動呢!最後必睇的,當然唔少得由斷頭騎士帶領的萬聖節特別巡遊,騎馬登場的斷頭騎士氣勢不凡,成為整個巡遊的高潮位!不過要留意他只出現數分鐘即閃人,記得對定焦快影啦!

米奇及一眾迪士尼朋友換上了萬聖節服飾,仲會大派糖果w! 樂園內的嚇人場景。

迪士尼黑色世界
日期 即日至10月31日(逢星期四至星期日、10月4日及31日)
開放時間 10:00am至11:00pm
票價 成人$399起、小童$285起(全日門票)
查詢 1830 830