葉巧琳（Mischa）的《NEVER TOO LATE, MY PATH Mi WAY》迎難而上Album Live繼上周初演後，前晚（28日）來到第2擊，今次的直播更吸引到《全民造星》的花姐（黃慧君）點擊捧場，令Mischa大為興奮，高呼「Oh my God」！Mischa今次更邀得冠軍歌《難道我還未夠難》的作曲人林奕匡（Phil）首次合唱這首人氣作，他們又分享從未公開的誕生秘話。Phil坦言很戥Mischa得到冠軍歌感開心：「雖然等咗好耐，但係好值得嘅，頭先喺後台聽你唱歌，一直都好相信你嘅vocal，但我覺得你依家唱得比以前更加好。」
Mischa迎來網騷第2擊。
兩人Chit chat時，突然回顧「那些年」，Phil憶說Mischa當年參加比賽時，他是評判之一，當時已十分欣賞對方，更自誇眼光好，一早睇好對方；Mischa隨即讚他「有遠見」。Phil更記得當年的Mischa提到想將自己喜歡的Opera曲風加入流行曲，但未找到合適的方法。他說：「我頭先聽你唱時，我覺得你搵到嗰個方法，個聲好靚呀！」Mischa自覺跟和Phil有特別的緣份：「好開心你睇住我入行，亦都可以陪伴住我第一次攞903冠軍歌，真係同我經歷咗好多！有少少感動，呢啲緣份嘅嘢，真係好奇妙。」
與Phil首次合唱冠軍歌。
除了同門的Phil外，Mischa將會與樂壇大前輩古巨基合作，她期望可以擦出新火花：「依家收集緊大家意見，睇下唱咩好，我都好期待。」她在直播中亦提到，布望今年再推出新作，環境許可的話更希望開騷。
給主持送上生日驚喜。
二人與兩位樂手。
立即下載 | 全新《星島頭條》APP : https://bit.ly/3yLrgYZ
