Mirror官方IG早前以短片公佈2月將有哪些成員推出音樂作品，而片中最易認的相信是成員Jeremy（李駿傑）。而今日（20日）MIRROR終於公佈，周二（22日）Jeremy首支個人單曲《半》將上架，同日晚上仲有MV睇！unicorn（Jeremy歌迷暱稱）都表示非常興奮及感動：「千呼萬喚，終於出solo嘞」、「終於等到了」、「要爭氣，加油」、「有才華，肯努力的人，總會有人看到」。而Jeremy亦知大家久等了，於IG限時動態表示：「我同你哋一樣都好心急，好想快啲俾你哋睇MV，好想知你哋反應。不過好嘅嘢係需要等待的，一切都是最好的安排。」其實過去幾日，Jeremy已經不斷在IG出Po預告將出新歌，unicorn都贊成件事好有概念，覺得是個好開始！
Mirror官方IG早前以短片形式公佈2月出歌的成員，其中包括Jeremy。
Jeremy將於22日推出個人首支單曲《半》。
unicorn都好感動。
過去幾日，Jeremy已經不斷在IG出Po預告將出新歌。
去年MIRROR經理人花姐（黃慧君）曾在ViuTV節目《調教你MIRROR》中，直認去年初曾計劃讓Jeremy單飛，但後來覺得時機未成熟。花姐表示：「我覺得佢而家有不足嘅地方，要改咗先，我先可以捧，佢當時好興奮同開心，但佢最後都做唔到我哋定下嘅要求。」而花姐指出Jeremy去年單飛失敗的原因包括：身形太薄、聲線太薄等。Jeremy亦坦言見到成員們單飛獲肯定甚至得獎都好羨慕，「想話畀大家知我叫Jeremy，希望今年自己繼續努力，可以有呢個機會。」
Jeremy本來去年有機會單飛。
花姐去年在《調教你MIRROR》中談到Jeremy暫未能單飛的原因。
Jeremy的單飛計劃延至今年，而出個人出道歌前，其實他去年已經出過非官方個人單曲《夢言》熱身，同時努力學唱歌！而去年中的MIRROR演唱會，大家都看到Jeremy星味濃咗，亦似乎已經找到自己的定位。今年推出單飛作品，時機似乎真係啱啱好呀！
Jeremy去年推出過非官方個人單曲《夢言》熱身。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
