一名女子在跑馬地黃泥涌道人肉霸公眾咪錶位，拒讓其他車輛停泊，最後驚動警員到場調解。影片截圖
本港司機經常會為了咪錶位「爭崩頭」。有網民上載一段影片，顯示一名女子在跑馬地黃泥涌道為丈夫人肉霸公眾咪錶位，拒讓其他車輛停泊，更威脅「咪塞住佢唔好走囉，大家唔好返工」，最終驚動警員到場調解！
有網民在社交媒體Facebook群組「車cam L（香港群組）」上載一段車Cam片，事發於上周六（2月26日）上午9時許，片主當時駕車駛至上址一個公眾錶位，剛巧一輛藍色私家車駛離錶位，但當他打算駛前停泊時，一名灰衫女子卻站在馬路中，拒絕讓片主駛入。片主向女子表示：「唔可以咁樣霸住，先到先得㗎」，但對方就指「我頭先排緊隊㗎」。片主見勸說不果，遂報警求助，女子期間續指「我喺後面排隊，你話我打尖？咁你咪塞住佢唔好走囉，大家唔好返工」、「有本事你早啲出嚟排隊都得㗎」
等候警員期間，疑似是女子的丈夫上前向片主道歉指「唔好意思呀，我都講唔明佢呀，排錶位唔係咁樣㗎」，但女子仍不覺有問題，反催促丈夫上班，直言「使乜對唔住啫，嘥X氣！」期後有兩名警員到場向女子及片主了解事件。
網民看完片段後，都一面倒指責涉事女子的行為，「你是人，不是車，這是停車位，為什麼這麼簡單的道理都會有人在做」、「通常會咁樣霸位既人都係冇車牌，一啲常識都冇」、「好肉酸」、「其實個女人真係唔要面」。
根據《簡易程序治罪條例》4A條，任何人無合法權限或解釋而陳列或留下，或導致陳列或留下任何物品或東西，而這些物品或東西對在公眾地方的人或車輛造成阻礙、不便或危害者，或可能對在公眾地方的人或車輛造成阻礙、不便或危害者，可處罰款$5,000元及監禁3個月。
影片來源：「車cam L（香港群組）」FB
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
