洪永城和老婆梁諾妍（Inez）去年雙囍臨門，7月結婚、年尾再榮升為父母，誕下囡囡Amber，日前Amber出世100日，一家三口在家慶祝，洪永城和Inez昨日（28日）分別在社交網分享相片，身為爹哋當然要留言祝福囡囡：「祝你健健康康，好努力咁成長，爸爸希望好快可以帶你出去行街街，陪你喺草地上面玩跑跑，之後再帶你出去旅遊遊，帶你隻大眼睛一齊睇世界，期待下一個100日1000日。」
簡直就是迷你版洪永城。
眼仔睩睩。
好可愛喎.....
蛋糕同花都一樣咁靚。
而Inez則貼出Amber的個人照及靚靚蛋糕相，由於相中囡囡愈大愈似爹哋，連Inez也忍不住搞鬼留言：「洪永城扮女仔。」至於兩人好友黃翠如則留言讚Amber靚女，但蕭正楠則搞笑謂：「啊⋯⋯洪永城呀。」再加上四個大笑emoji公仔，認真搞鬼。洪永城回覆本報時亦承認覺得囡囡似自己，他說：「係呀！真係好似呀，估唔到餅印一樣，基因強大呀我。」他又指囡囡最近瞓得唔夠稔，成日都醒，又要揞她瞓覺。
蕭正楠搞笑留言，跟Inez一樣。
黃翠如則讚Amber靚女。
一家四口好開心。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
