隨着第五波疫情緩和，闊別紅館十年的關心妍（Jade）宣佈6月4日及5日在紅館舉行「關心妍 Jade Kwan 約 20周年演唱會」，Jade更專程到紅館拍片向歌迷報喜，開心表示：「其實都擔心受疫情影響，但今年是入行20周年，很希望可以舉行今次Party慶祝。呢日出嚟影Poster，囡囡就係最擔心嘅一個，因為之前佢都冇得出街，叫我帶多幾部消毒淨化機先好除口罩。」
Jade大讚囡囡有天份，但未知對方會否「願意」擔任個唱嘉賓：「平時同佢做Live就只是對住個鏡頭，未知她對住現場觀眾會否怯場，所以要花些時間做心理輔導，睇吓臨場她Ready未，不過她都話想和我同台唱歌。」
此外，剛拍完海報的Jade正忙於籌備歌單，希望開一個「冇廁所位」的騷，笑謂：「因為Fans都餓咗咁耐，都會唱些他們喜歡的歌，所以好頭痛！有些歌可能沒派台，但我估他們都會想聽，所以首首都想擺入歌單。」Jade還預告歌衫由陳華國操刀，並已操Fit腹肌，揚言會有驚喜送給歌迷。
關心妍今年6月會舉行入行20周年演唱會。
Jada讚囡囡唱歌有天份，睇吓佢會否怯場，有機會母女檔同台演出。
Jade影海報，囡囡就最擔心，叫佢記得要帶多幾部消毒淨化機先好除口罩。
藍色晚裝好清新瑰麗。
再度踏上紅館開騷，Jade心情超興奮。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
