由陳詠燊執導及編劇，黃子華、鄧麗欣、張繼聰、王菀之等人主演的《飯戲攻心》，本來安排於賀歲檔期在港上映，但受疫情影響已延至中秋檔期，大家想入場欣賞就要再等等。不過日前《飯戲攻心》劇組就公佈好消息，《飯戲攻心》衝出國際入圍第24屆意大利烏甸尼遠東電影節（Far East Film Festival）競賽單元，同時獲提名競逐The Mulberry Award最佳劇本大獎，身為女主角之一的鄧麗欣（Stephy）隻身遠赴烏甸尼，代表「一家人」參展。
一眾拍檔更拍片為Stephy送行，黃子華仲落定Order叫Stephy帶手信：「恭喜晒，Stephy拍套喜劇竟然可以拍到去烏甸尼，烏甸尼我就不太熟悉，我只知道有一種土產好受歡迎，我都聽聞咗好耐，希望你可以攞啲返嚟畀我哋。無錯！嗰種土產就係『獎』，大、中、細，各形各樣都攞啲返嚟啦！等大家高興吓，辛苦你嘞！」林明禎都希望Stephy為香港爭光，叫她加油。王菀之都趣緻表示要整碟靚叉燒同燒鵝畀Stephy拎上機，最後也不忘要手信：「你去到之後記得買點意大利粉同Cappuccino手信回來。」於戲中飾演Stephy男友的張繼聰，就情深向Stephy說：「你自己一個出遠門一定要小心點，唔好咁大頭蝦，我會在香港乖乖的等你回來，等你好消息！」
Stephy雖然去年曾赴台灣拍戲，但都不及這次去意大利開心，話晒都係參加影展噃！她也表示心情既緊張又愉快，而Stephy 抵烏甸尼後，扮到靚一靚現身意大利街頭，在香港戴了兩年口罩，如今無罩一身輕，終於可以呼吸一口新鮮空氣，看過一家人的打氣片後，Stephy表示：「很開心將《飯戲攻心》這部作品帶到意大利，現在身處街頭也聞到飯香和叉燒香，承大佬（黃子華）所言將土產（奬座）帶返嚟香港，仲有cappuccino，記得等埋我齊人開飯。」
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
