娛樂新聞台主持賴彥妤日前於《愛．回家之開心速遞》的母親節活動，訪問單親家庭成長兼已喪母的姜麗文（Lesley），問對方計劃如何與媽咪慶祝母親節，被批評冇做功課因而被鬧爆。今日賴彥妤於IG限時動態，Po出與Lesley的DM對話，主動向Lesley道歉：「個訪問做得唔好，要同你講聲Sorry，絕無特別意思。」而姜麗文亦非常友善回覆：「OMG唔好傻啦！你冇做錯嘢。」仲叫賴彥妤唔使講對唔住，Keep住愛自己同正能量就OK。
姜麗文日前在活動上接受賴彥妤訪問。
賴彥妤問單親家庭成長兼已喪母的姜麗文，點同媽媽過母親節。
姜麗文曾透露一歲時，媽媽已經離家，多年來都由爸爸秦沛父兼母職。
而賴彥妤Po出對話後，亦留言稱：「原諒我的不足之處，絕非無禮之意，要特別向Lesley和所有受影響的人致歉，好多謝Lesley嘅支持，實在太窩心了，我會繼續努力，下次做得更好，祝願各位母親節快樂。」
賴彥妤就風波向姜麗文道歉。
賴彥妤被批評冇做功課。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
