貝安琪（Ankie）、李璧琦（Becky）、郭思琳等日前在中環出席「國際超級模特兒慈善大賽2022」發佈會，身為大會主席的馮雯熙，透露年青時也追求過演員夢，深深體會過追夢的辛酸。而比賽將分為兒童組（6-12歲）和女子成人組（18-28歲）兩組，經過初選及訓練後，將分別有20名參賽者進入8月份（兒童組）和9月份（女子成人組）的決賽。
貝安琪覺得做模特兒，準時都好重要。
貝安琪和李璧琦將擔任成人組評審，剛從德國影展回來的Ankie，覺得最重要是對模特兒行業有熱誠和自信：「其實我要求都幾高。行出嚟要令人有眼前一亮，好靚嘅感覺。第二就係一定要準時，呢個係工作嘅操守。」而即將出新歌的璧琦則覺得要身材均秤：「以前做Catwalk模特兒可能一定要身高超過170cm或180cm，但隨著時代轉變，要求都唔同。上圍可能要細啲，着衫都會苗條啲。而且最好望落會有親和力，因為以前做模特兒畀人感覺係好遙遠，好Cool。」
李璧琦和貝安琪將擔任超模成人組評審。
璧琦覺得時代轉變，身材均秤更為重要。
準媽媽郭思琳差點街上暈倒
另外，準媽媽郭思琳日前差點暈倒街上，幸好老公當時在旁，能及時照顧她：「當時我去超級市場，原本我覺得自己OK，但突然覺得缺氧同眼花。好在我老公死都要跟住我，佢立刻搵地方畀我坐低。」被問到有否想過讓小朋友將來入娛樂圈，她直言沒想過，但不會抗拒：「因為我又係模特兒，老公有係歌手，將來應該都會教小朋友。」
郭思琳（中）腹大便便出席活動。
（左起）李亦喬、李璧琦、馮雯熙、郭思琳、貝安琪、張敬仁
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
