由黃德斌、呂爵安(Edan)及盧瀚霆(Anson Lo)主演的《大叔的愛》於去年6月播出，大受歡迎。轉眼間劇集已經播出一年，昨日（6日）Edan於社交網上載與黃德斌的合照，相中見鬼馬的Edan 嘟嘴隔空錫黃德斌，並留言表示掛住KK，他寫道︰「前排做嘢撞到哩（呢）位人兄。嘩！咁似同我一年前拍《大叔的愛》嗰個KK嘅！既然咁似樣，緊係即刻集返個郵先啦！I miss u ah KK#好耐冇見 #KK仲係咁有型 #都幾掛住嗰陣拍大叔嘅時光 #期待再合作啊！」網民都紛紛留言表示：「集氣開續集」、「咁掛住就開S2啦」等。
不過，竟有網民無品詛咒：「睇MIRROR、COLLAR死全家!!!一定會!!!」Edan亦有冷靜親回該網民：「咁如果唔會呢？」並加上3個流淚Emoji，不少粉絲都大讚「好型！」
德斌同Edan 唔知幾時會再合作呢？
見到面都忍唔要隔空咀番啖。
無端端被網民詛咒，好彩Edan沉得住氣，高EQ 回應獲網民激讚。
更多新冠疫情資訊，請到以下專頁瀏覽按此
立即下載｜全新《星島頭條》APP：https://bit.ly/3yLrgYZ
