劉沛蘅（Hillary）今日到屯門出席活動，以吊帶裙示人，有愛情滋潤特別醒神。提到在社交網晒與男友洪卓立（Ken）Staycation慶生的相片，穿上黑色吊帶裙的Hillary被Ken從後環抱，還有着住睡袍在窗前回眸一笑，留言稱：「臨睡前翻看一下相簿，希望今晚發個甜夢。」甜到入心，Hillary聞言笑不攏嘴：「每日都好開心，只係分享生活照。」
問是否首次與Ken慶祝生日？她想想稱不是，被取笑已秘密慶祝了幾年，她笑說：「唔係，之前相識未一齊已經慶祝過生日。」她指男友當日很蝦碌，在她抵達時仍在吹氣球佈置，「我事前唔知道，結果我要為自己佈置，但佢肯為我已好窩心，隨後我哋去咗一間好貴嘅餐廳食法國菜，埋單都近萬，我都嚇咗一跳。」
Hillary有愛情滋潤，現身活動表現風騷。
Hillary到屯門出席活動，以吊帶裙示人。
臨睡前，Hillary晒甜蜜照，話想發番個甜夢。
男友視角。
講到Ken表示已見過家長，更要儲老婆本準備結婚，Hillary表示：「係見過家長，（儲老婆本？）係佢講，我自己都有儲錢養自己，但都係好事，佢肯為將來打算。（他的將來即是你的將來？）都係呀，哈哈。我每次拍拖都當係結婚對象，都希望行到結婚。（Ken想旅行結婚？）我都想，大家都喜歡日本、美食同旅行。」
Ken的家人也讚Hillary乖女，她透露自己屋企人都有讚男友有禮貌，會買酒𠱁家人開心，問是行岳父政策？她笑稱對朋友都很好。問到是否已有結婚計劃？她稱會工作為先，笑言最起碼是先開關，而她最近為電影試鏡，希望能以演員身份發展。
同洪卓立Staycation慶生。
Hillary 一提起洪卓立就笑唔停口。
生日過二人世界。
仲有浴袍照，當然都係男友視角。
仲有花收。
Hillary 自爆去到酒店時，洪卓立仲未準備好晒啲佈置。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
