曾志偉、張頴康及肥媽等今日在上水參與「仁濟慈善高爾夫球賽」活動。兒子曾國祥去年憑電影《少年的你》奪得香港電影金像獎的「最佳導演獎」，但因疫情延至今年才能正式上台講述得獎感受，身為父親的志偉笑指，這更好，兒子能夠有兩次開心的機會，宣佈時開心一次，上台講感受又有一次開心。
讚曾國祥大個仔識大體
不過，曾國祥當晚在頒獎台上卻拿志偉來講笑，直指在ViuTV甚麼也可以講。志偉大方地說：「去到人家嘅台要畀面人，咁係啱嘅，證明佢大個仔懂得講說話，（他又拿你來揶揄，說自己肥了，但沒有完全得到你的遺傳？）佢話自己係肥咗，可能遺傳唔到我嘅基因不過高咗，咁唔知係咪後期加工。哈哈！」
問到兒子若找他幫手拍攝電影，他可願意參與？志偉稱，不要說幫手，是找他效勞，志偉說：「其實好多人問過我會唔會同個仔合作，但過往阿仔年少時好少同佢合作，係因為我希望佢得返嚟嘅係佢自己嘅功勞，唔想人哋覺得因為佢爸爸而拍到呢套電影。現在我都唔想因為佢，我先有機會拍戲，唔想人感到我係靠佢，亦都唔想叨光，但如果有需要可以同佢合作，因為平時已經好少見面，拍戲時就可以見多啲。(何時有機會合作？)唔知道，拍戲要遇到劇本合適先得。」
馮皓揚報讀藝訓班時未攞獎
對於剛奪得香港電影金像獎「最佳男配角獎」的馮皓揚（羊羊）入讀TVB藝訓班引起網民熱議？志偉表示，簽約時羊羊仍未拿到獎項，難得他想入TVB，可能他想學多些東西，電視是一個地方給大家更多機會去學習、磨練，劇集需要長時間，而且有很多不同角色，尤其是他那麼年青是一個好地方讓他去深造，對他是好事，現在他剛拿到獎要適應，可能會有片約，他要慢慢將自己平復心情再向前行。追問到，外界指羊羊的演技比導師更好？志偉説：「呢啲事慢慢先知，憑一套戲好難講，現在導師係陳德森。」志偉續指羊羊未來仍有好漫長的路要走：「加入時，佢考慮過好多，只要佢虛心學習，其實條路仍好長，可以慢慢行，咁樣可能對佢嚟講係一個非常好嘅選擇，下星期我會同佢見面，同佢再傾多一次，講吓佢得獎後嘅內心係點樣，之後再同大家分享。」
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
