黃婉曼昨晚（28日）入場欣賞MIRROR的第四場演唱會，因而目擊事故發生，她今晚與女兒到文化中心欣賞音樂會時，提及演唱會一事，坦言目睹意外後：「有少少瞓唔着」，至今仍有餘悸，她說：「最緊要係平安，平安係最緊要，要調整吓心情，一陣都要返電視台，睇吓呢件事嘅發展。」問到是否對事件有陰影或有創傷後遺症？她說：「喺現場係有少少唔同感受，但衷心覺得平安就好，平安好緊要，希望每個show都開開心心。（以後會唔會怕去紅館睇show？）調整心情，最緊要平安，我覺得香港人都好正面、有集氣，所以都覺得OK嘅。」
今晚帶兩個囡囡睇音樂會，黃婉曼指放暑假關係，故要為女兒安排驚喜節目：「例如睇吓show、游水、瑜伽。」不過湊女之餘亦要兼顧工作：「同佢哋玩完，夜晚再返工囉。」
黃婉曼今晚帶兩個囡囡睇音樂會。
黃婉曼坦言目睹意外後有少少瞓唔着。
黃婉曼多次表示要平安。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
