蘇永康（蘇康）有仔萬事足！以往在社交平台上，他都係晒吓潮物、同Friend的合照等，不過，自17年囝囝蘇展弘（Jazz）出世後， Jazz的萌照幾乎攻佔整個Instagram，眨吓眼寶貝仔已經2歲多，蘇康一得閒就會帶住囝囝周圍飛，見慣世面的Jazz都好活潑，完全唔怕生。日前，兩父子就陪媽咪馮翠珊（Anita）返公司做嘢，惟近日內地爆發不明肺炎，一家三口卻零口罩出動，其間見大人們各有各忙，忽然無王管的Jazz同朋友仔玩到衝出門口，最終被「捕」的他梗係畀媽咪鬧啦，蘇康咪抆一抆囝囝衫袖安撫吓囉，點知Jazz一手揈開，真係愈「抆」愈傷心！採訪：李維隆