出爐視帝馬國明（馬明）於今日大年初四現身機場，由於武漢肺炎肆虐，馬明全程都戴上口罩接受訪問，他透露將出發到新加坡登台，同台演出還有另一「男神」鄭伊健。對於肺炎現時疫情相當嚴峻，問乘坐飛機可會擔心？馬明說：「小心啲，都擔心唔到咁多。原本初二惠州有商演，最後都取消咗。而新加坡呢次冇話取消，接咗一定要去，新加坡應該都會安全啲。」並謂已為此行做足準備，帶備了足夠的口罩及酒精紙巾。那麼可會留新加坡數日休息？他說：「唔會喇，做完都即刻返嚟。爸爸媽媽喺屋企，都會擔心佢哋。」