吳若希（Jinny）在社交平台賀老公生日，留言：「生日快樂呀何兆鴻～生生性性，聽教聽話，聰明伶俐，橫財就手，最緊要就係長命百歲。」
Jinny這舉動超Sweet，但她最近在節目自爆對老公何兆鴻（Alex）做過最差最激動行徑，在之前播映的劇集《多功能老婆》飾演黃嘉樂的野蠻女友蘇蝶，黃嘉樂上她有份主持的《姊妹淘》節目受訪，Jinny在自爆這角色是做回自己時，還爆料在跟Alex拍拖時曾分開過一段時間，做出過瘋狂行徑，把另外兩位主持張寶兒和蔡嘉欣嚇壞。她說：「得唔到我要嘅要結果就Chur，連佢個人都搶唔到就會癲咗，嗰陣時上咗佢屋企打爛晒所有嘢，包括電視、魚缸、花樽。」
Jinny說當時令她忟憎原因，是Alex換了家裏密碼鎖，雖然當時二人正分開，但她說：「好嬲，點解要換鎖，攞到明要隔開我，即係以後諗住唔見我啦！」於是她找來開鎖佬「爆咗佢屋企個鎖」，她也自認當時是最差最激的一次，但卻謂：「鬧交好講求默契，一個願打一個願挨，我覺得我哋哋兩個之間關係存在呢樣嘢，我幾enjoy呢個關係，某程度增進感情。」