鄭希怡（Yumiko）的可愛女兒梁浸浸（梁子柔）尚有兩個月就5歲大，自細似足媽咪長得標緻，留有一個鬈曲長髮。今日Yumiko在ig上載梁浸浸因放兩架開動了的玩具車在頭上，頭髮被車轆纏住，最後要把她的頭髮削掉，梁浸浸一臉無奈捽眼幾乎無眼睇。
Yumiko代梁浸浸留言：「我以後都唔會再將兩架行緊嘅火車🚄放落個頭度😔😔 #火車轆撬住啲頭髮 #兩架火車痴（黐）住係個頭度 #正宗火車頭 #最後就地削髮 #你地（哋）仲笑😒😒😒」，好多網民包括陳敏之在內都忍不住留言大笑，但也有不少戥梁浸浸「慘慘豬」，亦有人篤爆Yumiko「浸浸個樣勁擔心，阿媽個樣好似睇緊棟篤笑咁」。原來很多留言也有類似經歷，亦有提供遲來的解決方法「用護髮素濕水一下就掉了」。