菊梓喬（Hana）早前為新歌《你喜歡說謊》拍攝MV，此歌為劇集《黃金有罪》片尾曲。Hana說：「今次呢個MV是講述一對男女的愛情故事，其實女方一直知道個男人出軌兼講大話，但只是迷失在他的謊言裏沒法抽身，原來自己喜愛受騙。」
始終是傷心情歌，今次除了一貫的喊戲之外，導演要求Hana在其中一幕要質問掌摑男對手。Hana：「如果自己真係遇到呢個情況，相信都會好嬲，但係要打人仲要係對住鏡頭真係好尷尬，好在試咗幾次之後都順利完成，自己每打完一次都即刻問對手有冇事，個男model好專業仲叫我打大力啲。」
新一年Hana祝願大家最緊要身體健康，「自己早幾日腸胃炎迫住要停工休息，本來安排了拍攝另一首新歌的MV，但冇辦法要取消，麻煩到工作人員真係唔好意思，所以健康真係好重要，最近非常時期大家更加要小心注意衛生。」