市民對口罩如飢似渴，一有藥房宣布返貨，人潮即蜂擁而至。不過當中亦不乏劣質口罩，一位市民就買中「變種」口罩，回家打開包裝一看，驚見口罩掛耳位變了掛頭，兩條橡筋綁在下巴和鼻樑位，令他狂呻中伏。

市民在網上分享經歷，指媽媽見到藥房有口罩賣，不管三七二十一即刻排隊，居然輕鬆買了一大盒回家。不過網民見包裝頗「求其」，覺得不對路，拆開一看即見到一批「中咗輻射咁」的口罩，平時綁在左右兩側的橡筋居然變成上下。市民無奈試戴，秒變鹹蛋超人，網民紛紛笑爆「回頭路100%」。

不過有網民就解釋，其實這款口罩是綁頭式醫用口罩，醫生做手術亦會戴這款，買口罩時一定要看清楚。不過就算買錯，亦有日本網民想出創意解決辦法，只要剪斷兩條橡筋，重新綁成掛耳狀，即大功告成。