林盛斌（Bob）太太黃乙頣（Pearl）幫人睇風水愈來愈紅，Bob曾笑言可以退休等老婆養家。最近新冠肺炎疫情嚴峻，娛樂事業大受影響，反而更多人求神問卜望有轉機。
Bob今早就在社交網貼上老婆整妝準備外出的背影照，留言：「呢期大部份嘅工作，一係取消，一係延期，每日我嘅流程就係睇住幾隻嘢做功課同陪玩，反而佢日日就晨咁早出去幫客睇風水睇到夜晚先返。我覺得，呢期自己好似有少少咬老軟feel.......」。