朱晨麗（朱朱）主演的新劇《大醬園》正在熱播中，她跟緋聞男友何廣沛在劇中終成眷屬，但洞房後何廣沛就失蹤，難度她真的結婚一日就要守生寡？朱朱說：「只可以透露小滿（朱朱飾）幫楓少（何廣沛飾）生咗個好可愛BB，其他劇情大家自己追啦，因為疫情好多人每晚都留喺家中追劇，我依家每日都留喺屋企唔敢出街，劇中只拍咗我生仔，冇拍坐月，感覺好似喺現實生活中畀我體驗下坐月，哈哈！希望疫情快啲過去，社會快啲恢復正常。」

談到拍產子戲，朱朱大讚幕後製作相當認真：「BB其實係道具嚟嘅，但係造得幾可亂真，無論皮膚同毛髮，仲加埋出世時血漿，真係好迫真！」完全沒有生產經驗的朱朱事前上網睇片「學習」：「自己真係冇呢方面嘅經驗，所以一定要做功課。今次真係拍晒成個生產過程出嚟，我就全程係咁嗌，結果搞到第二日聲都沙晒。」