疫情持續，要預防病毒最重要是保持好的個人衛生習慣。不過有僱主近日在社交網站Facebook發文，指家中的外傭因為手機不慎跌入馬桶，竟然將它放入米缸「抽濕」。不少網民紛紛留言慨嘆，工人姐姐欠缺衛生意識。

該名女僱主在文中表示，工人姐姐日前去洗手間時，不小心將手機跌入馬桶。由於電話入水，不能啟動，工人姐姐用上各種方法，嘗試把它弄乾，包括用暖爐烘、用風筒吹，惟電話仍然沒有任何反應。

惟工人姐姐翌日竟然將手機，直接放入一包新開的白米內，嘗試幫它「抽濕」，女僱主在帖文說：「今朝直頭將部電話，插落一包新米入面。無任何野裝起佢部電話，直插放入包新米到。」她又指，現在市面上人人都搶米，家中的舊米快將要吃完，怎知工人姐姐竟然幫自己「倒米」，用一部浸過馬桶的手機，將整包新米污染。「雖然包米可以比俾買番，但係真係俾佢激死好唔開心。諗起佢個電話跌落廁所，再插落啲米度……我都無嘢好講。」

女僱主又表示，自己本來對這件事毫不知情，只是碰巧關心一下她手機的情況，對方才將事情和盤托出。「咁啱只係我問佢電話點呀，佢先再講起電話放咗落包新米度……如果我唔問佢應該唔會講……」

不少網民認為，工人姐姐衛生意識欠奉，「咁無衛生常識，點食佢煮嘅嘢」、「無論她有無入袋，都唔敢再吃啦包米」、「慘，真係嘔血」。