戴口罩跣落露出鼻孔就聽得多，不過露出下巴似乎是少見煩惱。全國政協常委唐英年日前會見中聯辦主任駱惠寧，會後接受傳媒訪問，受訪截圖在網上引起熱議，皆因他戴口罩時下巴全露。有網民留言稱：「佢究竟真係下巴太長，定係唔識帶口罩？」

唐英年正經接受訪問，口罩鼻梁位被眼鏡壓住未見跣落，非常貼服，但口罩下沿就跣到嘴上方，露出大半個下巴，其間未見嘗試調整，令網民驚訝「未見過人突下巴出來，最多都係鼻」。

網民分為兩派，有人抽水是錯誤示範，「呢啲咪叫做戴到離哂罩囉」、「又一個口罩都未識戴」、「係咪買不到成人size」，有人就笑言面太長，「巴斯光年帶係咪都會有同樣問題」、「個口罩打直就fit晒」、「2個Thx」、「要訂製」，更有網民想起動漫人物城之內。