肥媽（Maria Cordero）昨日於Facebook（fb）自爆經歷驚心動魄的一程機，話說她與葡籍老公Rick從英國飛往馬來西亞途中，竟遇上飛機故障，幸最終安全落地。折返倫敦後，夫婦倆入住機場附近酒店，瞓醒一覺再起程，今日二人終於到達馬來西亞，不過肥媽下午又於fb出Po，指此趟旅程簡直「驚」喜一浪接一浪！原來她剛才匆匆忙忙落機，居然大頭蝦地將老公的呼吸機和藥一律遺留在機上，肥媽寫道：「因為老公的病（兩年前患上肺癌）關係，肺同呼吸其實唔係咁好，所以呼吸機同藥有起事上嚟係要嚟救命，所以𠵱家活多一日其實都賺咗。」