新冠肺炎下生意難做，尤其Party Room自從爆出有確診個案後更加大受打擊。有店主在社交專頁發文，指為吸引客流加推免費任飲優惠，但有數名客人就在臨走前將雪櫃飲品全部掃走，更將房間搞到亂七八糟，令店主忍不住批評「尊重自己，尊重他人」。

Bravo Partyroom 店主分享一段閉路電視片段，影到幾個年青男女離開房間時，將雪櫃裏的多罐飲品取走，任由雪櫃門大開，而地下就滿地波波和垃圾，沙發枕頭亂擺，麻雀檯亦未執好，更未有關燈，令房間變成垃圾崗。另一段影片則可見，麻雀枱上有兩把剪刀，部分啤牌被人剪毀，連廁所亦留下一地雜物。

店主指因為肺炎生意好差，而特別加推優惠，免費任飲，原意是希望客人玩時不會口渴，「但絕對唔係希望客人臨走個陣拎哂所有野飲走......留低一間勁亂嘅房，就咁走咗去。」店主無奈說，明白亦希望客人玩得開心，但同時離開時要有手尾。

事件引起網民討論，紛紛留言批評客人「好無品」、「報警處理，不能縱容」。