雖然連咀12次，但廣沛話因為太凍太大風，完全冇晒浪漫感覺。
咀前𡁻香口膠 廣沛和嘉敏咀前問工作人員攞香口膠食。
堅飲助入戲 本來扮飲酒，但有酒精敏感冇乜醉酒經驗的嘉敏，決定堅飲攞番個醉酒feel。
全程冇戴罩 落車後行去拍攝位置，兩人為晚整花個妝全程冇戴口罩。
頭髮累事 碼頭太大風，搞到嘉敏經常因為頭髮亂要NG。
放女神飛機 劇中大玩三角關係，廣沛本來冧曉華，但為了嘉敏竟放女神飛機。
Previous Next
繼《大醬園》後，何廣沛和江嘉敏最近在科幻喜劇《食腦喪B》再合作，今次兩人演一對，仲會有大量咀嘴戲。兩人近日密密開工，日前終於在中環9號碼頭上演首場咀戲，由於當晚好大風又凍，為營造浪漫效果，結果兩人要連咀了12次先拍完。不過在疫情下，兩人依然相當專業，收到好劇本都好想拍好場戲，事前冇乜特別準備，只是𡁻吓香口膠當消毒，何廣沛仲話：「冇理由噴消毒酒精喺個口度嘛！」講到今套劇有唔少咀戲，江嘉敏就搞笑話畀咗唔少錢編審，先至有機會喪咀何廣沛喎！採訪：杜淑霞、李維隆