蘇永康日前在社交網貼照放片，為慈善機構「榕光社」派發口罩，他表示已協助此機構多年。事緣是謝安琪（Kay）提到不少清潔工缺乏口罩，搜羅後就透過義工及親身派發口罩給需要人士。
蘇永康說：「『榕光社』照顧好多老人家，主席話每日需要267個口罩。要吹雞，當然首先搵大四喜（Big 4），張衛健包3000個，許志安1000個，因為佢要分散投資，佢仲有第二啲機構要幫手；梁漢文當時唔舒服，我幫佢揸主意1000，再搵朋友幫手，最終有6500個。」
因為此善舉得到朋友支持及信任，故蘇永康要在網上發片，讓好友知道用得其所。原來當日許志安都有陪同到場幫手派發，蘇永康說：「『榕光社』嘅人認到佢。（點解咁低調？）低調好吖，佢一向都低調。」