在新冠肺炎疫情下，身體健康真的很重要。無綫劇集《踩過界II》，早前因為王浩信、蔡思貝、張振朗等主要演員齊齊病倒「冧廠」，隨後張振朗話開工時間得以調節，大家都有足夠休息時間，精神已好了很多。
今日，王浩信貼穿上浴袍在法庭景的照片，及另一張半裸背影照，留言：「連續19日嘅法庭戲加最後一日要拍除衫嘅沖涼戲！我終於完成了！對我來講好似完成左一個好艱鉅既任務！」

王浩信詳細敘述了拍攝情況，加上拍沖涼戲脫水修身的苦況，「每日12個鐘頭工作，兩三個鐘頭溫書，其他時間做人基本要做嘅嘢，之後每一日急速流暢嘅陳詞以盲俠嘅姿態為唔同嘅案件提出控辯，每一日完成之後都可以話係心力交瘁，所以每日都同自己講休息好第日再嚟！從緊張到輕鬆到最後第15日，要開始脫水狀態循環，準備最後一日沖涼戲，第一日8L水第二日4L，第三日2L...到最後一日有需要先可以飲一啖！在雙重環境底下最後兩日精神上真係有一種抽離嘅感覺...最後最後將僅餘嘅能量由血液泵到肌肉完成了廠景最後的一場！終於完成...懇請大家恕我長氣，但係我深深體會越艱辛嘅過程學到嘅嘢越多，好似每一場官司，幫每一個受害者，令我體會到公義...大腦吸收知識，一定要在放鬆的情況底下，一緊張就唔入腦...等等...事情好壞都在乎你的角度，但經過時間，一定會過！到最後都要講返句記住支持 #踩過界2 疫情下共勉之！」