每年4月至10月都係渠務署嘅旺季，落雨打風都要幫手！渠記除咗喺今個雨季推出「及時清渠」安排，今日亦都推出咗一條新嘅政府電視宣傳短片（API），特別提醒私人業主須定期檢查及清理排水設施、不應胡亂填土或改動水道，保持水道暢通，攜手減低水浸風險！

新嘅API係政府少有地用微縮模型做主角，拍攝過程亦因此未受疫情影響。唔好以為拍攝微縮模型好簡單，全片雖然只有三十秒，但都用咗接近一整日拍攝！單單係片段一開始嘅落雨場景，就用咗四個鐘拍攝！製作團隊咁用心製作，都係想提醒大家「生命財產，唔係講玩」！

如果大家發現排水設施有問題，即刻打渠務熱線2300 1110喇！