蘇慧恩（Ophelia）現身電台為新歌《我最想》宣傳，對於在MV中以性感打扮亮相，她笑言公司老闆見她平時着得太密實，當睇過安排拍MV的服裝覺得沒有大突破，於是叫造型師找來一件大露背衫。自認太瘦的她，原本想真空上陣拍MV，但身形不夠豐滿要戴Nude Bra，否則似「洗衫板」，亦覺不適合性感路線，「我太瘦着唔起件衫，覺得件衫好鬆身，所以要全程帶Nude Bra，拍攝時我又好緊張，搞到全身出汗，好驚Nude Bra移位似想跌出來。」她又說「細個時」任模特兒試過穿泳衣，「但20幾歲後未試過性感打扮，我太瘦啦！朋友都話MV出街後，覺得我太瘦，連鎖骨同背骨都露出來，但自己食極唔肥。」