新冠肺炎疫情持續，小朋友已經連續多個星期停課困在家中，屋企的玩具都玩厭，苦了一班家長。不過家長都各顯神通諗通，有港媽就專程在淘寶訂購了一台夾公仔機空運到港，讓小朋友坐定定在家中都可以玩到最喜歡的夾公仔。

港媽買了一台公仔機會發光，不算大部，約比一個小學生高少許，放在家中最適合不過，而機裏的禮物包羅萬有，有糖果、文具、毛公仔等，相信應該是由家長另外放置入去。小朋友玩得一臉投入，樂在其中。不少網民看過照片後，紛紛留言表示讚嘆，「你地址please，我想嚟玩呀」、「好幸福，好正呀」、「我仔都好想要，叫我買俾佢」。

不過比起夾公仔機，有港媽一不做二不休，索性淘了一個歐式巨型噴水池。這個巨型噴水池設計極富歐洲豪華風格，正中間有一個獅子頭，左右正中間方便有多個流水裝置，不難令人聯想到酒店或私人屋苑常放置的噴水池。其中一張更見到囡囡站在水池側邊，估計至少比她高愈一倍。

這名港媽透露，巨型噴水池價錢為3500元人民幣，以樹脂製成，賣家為她提供教學影片，故此安裝過程並不難。她又指，打算將它放在家中的花園，用來養魚養龜，又笑言「可以幻想下自己去咗澳門」。