無綫新劇《踩過界II》於尖東一酒店進行拍攝。秦沛（Paul哥）參演數月終於煞科，劇組特別剪輯一些片段，又安排女兒姜麗文獻花以表謝意。大合照過後，他寄語眾年輕演員繼續努力加油。

Paul哥坦言煞科有開心亦有不捨，說：「開心拍完一套劇，對上一次幫TVB拍劇超過10年。有個咁靚嘅徒弟，就當然會唔捨得。」身旁的張曦雯表示很高興認識到Paul哥，說：「Paul哥分享咗好多故事同笑話畀我地聽，好搞笑。Paul哥73年演戲經驗，我就3年，從佢身上學習好多，好唔捨得。不過我已經約咗食飯，再加埋姜麗文，同佢好啱傾。」

問到Paul哥會否稍作休息？他說：「原本返溫哥華，但疫情關係暫時留港，同大家共度時間。」他說很開心跟新一輩演員合作，謙虛自稱是「老牌新人」，從他們身上學習到不少東西。張曦雯說：「但做演員同操守，都係從Paul哥身上學。」