兩人做足一小時運動，輕鬆過關。
Lesley仲做到擘晒脾，玩得相當投入。
兩人做開運動玩「Challenge」無難度。
新婚Lesley唔使拍戲就留喺家中陪吓老公仔。
姜麗文同爸爸Paul哥齊齊拍TVB新劇。
梓軒身形大大隻，有多塊腹肌喎。
34歲嘅姜麗文身材都好索。
姜麗文平日出街去買餸嘅抗疫裝扮。
Previous Next
近日全球受新冠肺炎疫情影響，不少人響應呼籲盡量留在家中，網上因而出現不少「Challenge」。身在洛杉磯嘅王梓軒(Jonathan)隔空挑戰比他大一歲，現年34歲嘅「索人妻」姜麗文(Lesley)，跟她齊齊運動抗疫，梓軒話：「我同Lesley都係玩開運動，於是我挑戰佢，大家各揀5個動作，亦希望觀眾一齊做。」兩人做到出晒汗，上氣唔接下氣，做足一小時，一啲都唔hea，着住運動褲及運動Bra 的Lesley仲做到擘晒脾，彎晒身，玩得相當投入。其間Lesley仲唔怕老公仔Pakho呷醋，多番大讚梓軒身形好hot好大隻！

鬼妹仔嘅Lesley，中文向來唔多好，運動其間發生唔少笑料，喺做完上半身熱身後，Lesley隨意說：「你做下體熱身啦！」梓軒滴住汗反問：「下體？」Lesley大笑話：「講錯咗，哈哈！我係想講下半身，其實每一個人拉筋嘅system都好唔同。」兩人不時提醒觀眾留意呼吸同飲水，唔可以坐低，梓軒話：「Don't sit down!一坐低個人就會放軟，好難恢復……」過了半小時後，梓軒突然收到IG通知需要收費，梓軒好「豪」咁話：「8蚊我畀！」Lesley拍晒手話：「為咗我哋大眾健康！」