疫情下，基層人士面對減薪、放無薪假，甚至失業，急需援手。7-Eleven由今日起發起募捐七萬份食物，再經五間志願機構，派發畀基層人士，解決佢哋嘅溫飽問題。Kelly聽見都感到溫暖。

7-Eleven由今日起推出「同心互助」飯券認捐活動，目標係籌集七萬張飯券，再贈予北河同行、膳心連基金、香港基督教服務處、聖雅各福群會眾膳坊同惜食堂五間註冊非牟利機構，派發給有需要嘅基層人士。

捐贈者喺7-Eleven門市認捐飯券後（每張$15），可憑收據上嘅二維碼到網站選擇捐贈的機構。活動完結後7-Eleven會將收集所得嘅飯券送到五間非牟利受惠機構，再轉贈致有需要人士的手上。為答謝捐贈者慷慨解囊，每次認捐飯券後，可獲指定酒精搓手液一支（送完即止），共同抗疫。

北河同行嘅發起人陳灼明話，疫情至今，多咗區外人士尋求協助，當中不乏有學校主動聯絡，希望明哥協助因雙親失業、有經濟困難嘅學生，佢希望藉著7-Eleven推出嘅「同心互助」飯券認捐活動，可以幫助到更多人。