受疫情影響冇工開，張繼聰（阿聰）最近除了多了時間在家中彈結他、幫太太謝安琪影靚相外，得閒仲會陪3歲細女張靖（Karina）玩，繼早前同囡囡、Elsa公主食茶點後，今日阿聰又上載了一段短片，並留言：「今日茶會之前，要美甲。」片中，阿聰Close up影住自己隻左手，Karina就拎住支「姣婆紫」指甲油，快速地幫爸爸塗勻5隻手指甲，被塗到出晒界的阿聰豎起大拇指，向鏡頭展示囡囡的「佳作」，相信全程冇出聲的他都好無奈！