新冠肺炎疫情肆虐全球，各行各業大受影響，娛樂圈亦不例外，不論活動、電影、舞台劇、演唱會等通通煞停，不少藝人近乎零工作，「幸福人妻」苟芸慧（苟姑娘）也坦言好多工作延期，有些延至年底，但都要睇到時情況，她說：「如果疫情仲係咁嚴重，可能年底都未必做到，不過呢啲事大家都經歷緊，對我嚟講，等待嘅嘢可能係更美好，唔需要咁心急，或者都係一個好嘅經歷，可以畀我喺屋企多啲休息，諗諗之後嘅路點行，同埋睇多啲戲，欣賞下前輩演技，再次準備好自己。」