身處馬來西亞的楊秀惠剛才於社交網報喜，宣佈囡囡已安全出世了！事後她透過短訊回覆傳媒，楊秀惠透露B女重6磅，英文名簡寫是「V.Y.」，她又感激各界關心，並跟大家分享生產過程：「謝謝大家關心，由於疫情關係，醫院手術室唔係話隨時要做手術就可以去做，所以要畀個日子醫院，等醫院批咗先可以去做，因為而家所以手術室留畀緊急事故，就算你好緊急要去做手術，都要做血液同深喉測試，等一、兩日報告出嚟先可以做手術，所以一直都唔知邊一日（出世），自己都好擔心，好彩之後一切都好順利，不過因為疫情關係，先生係唔畀入手術室陪產。」