出錢出力
周啟生見唔少職業樂手手停口停,連交租都成問題,生活好拮据,所以籌劃呢個「救命行動」。
手足情深
周啟生和一班職業樂手情如兄弟,手足有事,他就要挺。
被迫停工
17年,周啟生喺尖沙咀酒吧做一個可容納600幾觀眾嘅搖滾騷,他慨嘆呢啲熱鬧日子唔知幾時先會再有。
幸運感恩
喺音樂界46年,周啟生表示能夠靠音樂養妻活兒覺得好幸運。
輝煌成績
已故陳百強當年參加東京音樂節,演唱的《偏偏喜歡你》由周啟生編曲,周啟生更做埋有幾十人嘅日本大樂隊指揮,講起都自豪。
13歲出Show
1974年,13歲的周啟生已喺灣仔彈琴唱歌,一唱唱足46年。
修哥好嘢
周啟生係胡楓收嘅最後一個契仔,修哥一聽到周啟生要撐樂手即捐錢。
大讚歌神
周啟生大讚「歌神」許冠傑做Online Concert,幫助通利琴行一班被裁嘅燈光及音響技師。
響應GaGa
之前張學友及陳奕迅參與演出Lady GaGa發起嘅網上群星抗疫Show《One World:Together at Home》,向醫護致敬兼為蔓延全球的新冠肺炎疫情籌募善款,款項將用於支持世界衛生組織的抗疫工作,最終成功籌得1.2億美元。
義氣仔女
盧巧音初出道時係樂隊Black & Blue歌手,老公蘇浩(Sammy)亦係樂隊KOLOR主音,兩公婆唔係富貴,但都好撐樂師。而阿Paul亦非常關心一眾職業樂手。
值得尊重
黃百鳴半夜即覆話可以捐錢,仲係一筆可觀數字,周啟生話永遠尊重呢位大哥。
Previous
Next
政府延長「禁聚令」至本月7日,夾Band出身的音樂人周啟生眼見夜場及演唱會等喺疫情下要關閉及停開,多年嚟跟他合作無間嘅職業樂師,全部都手停口停,身陷絕境,有情有義的周啟生即發起「愛港@你+我」網上音樂會幫等錢開飯嘅職業樂師搵救命錢,但好多和樂師唇齒相依嘅歌手們對音樂會反應冷淡,有歌手更已讀不回,周啟生慨嘆世態炎涼,更指歌手們:「愈發財愈唔立品,唉,真係好契弟。」採訪:方騫平