張繼聰出名愛錫一對仔女，近期避疫留在家，他更加長時間陪玩。呢日張氏家族又有新搞作，阿聰在社交平台上載了兩段片，都是他跟12歲囝囝張瞻和3歲囡囡張靖一齊跳舞片段，睇見他們一家校暗晒啲燈，似十足開私人派對咁款，全程睇住電視跟住卡通人物一齊跳舞，擺明就是爸爸和哥哥為了陪妹妹而跳啦！最搞笑係，除了妹妹好鬼投入，跳跳吓仲會同爸爸阿聰「畀個五」之外，睇落反而扭腰扭得最勁，最投入嘅竟然係阿聰本人，果然係個好演員，入戲係必須要嘅。另外，片段雖然唔見媽咪謝安琪現身，但清楚聽到她笑聲，片段好肯定就是她親手拍。