昨日係「視帝」黎耀祥56歲生日，下午他同太太十指緊扣拍拖行完商場，晚上食飯慶生，從他上載嘅短片所見，壽星仔笑笑口，全神貫注咁用腕力切餅，立體生日蛋糕亦好有心思，除咗有祥哥卡通肖像外，仲有視帝獎座及《巾幗梟雄》中， 「柴九哥」最經典的金句「人生有幾多個十年」，蛋糕記錄了祥哥光輝歲月，豐盛人生。他留言說生日願望：「多謝大家的今日的祝福、視頻、蛋糕和所有心意，海外存知己，天涯共此時，希望大家都能身體健康，保重身體，就是最好的生日禮物。」原來蛋糕是由他的粉絲送的，他回覆本報記者說:「總結以往的經驗，在未來的日子，能為觀眾帶來更精彩的演出是最大心願。」

事實上踏入生日月，祥哥日日大開心，日前他放咗段片上IG，片中他將隻大個塊面嘅巨蟹落鑊去蒸，隻蟹大到連鑊蓋都幾乎蓋唔上。caption係「抗疫良方，心情開朗」，真係睇到人流晒口水。