昨日係人妻王君馨（Grace）的34歲生日，之前一班少婦好姊妹苟芸慧（苟姑娘）及李亞男為Grace預祝。至於正日梗係留返畀老公仔Danny啦，喺凌晨時分，Grace大放「閃光彈」，於社交網開心Share溫馨靚相，還留言：「感謝我的唯一，今天與我共度美好的一天！擁抱和親吻好嗎？」

 

原來當日兩公婆喺中環美利酒店撐枱腳，除了有美酒及佳餚外，着住Deep V碎花裙嘅Grace依偎住老公肩膊影相，一臉幸福笑容，兩人更特地走到酒店旁邊的百年古樹打卡，手疊手，又砌出心形手勢，sweet爆。她對本報記者說：「全港得兩棵O.V.T.古樹，因為有100歲，代表住百年好合，長長久久，呢個都係我哋嘅想法，所以生日願望最希望家人、朋友身體健康，希望經過今次新冠病毒全球大流行，令大家更珍惜擁有嘅一切啦，亦希望上年拍落嘅《唐人街》、《失憶24小時》兩個劇出街時反應好好，反而未有生B大計，因為喺我事業入面仲有好多嘢有新嘗試，老公好支持我夢想，𠵱家未係時候，二人世界多啲先啦。」