新冠肺炎疫情緩和，去年10月下嫁有米老公吳啟楠（Carl），榮升人妻嘅文詠珊（JM）無做少奶奶，反而選擇繼續拍戲，兩周前JM返回內地復工，同林峯拍攝電影《倚天屠龍記》飾演趙敏。不過因為隔離令，至昨日先正式告別隔離生活，平平安安出關，她形容係百感交集，激動到想喊出嚟。

可能悶得太耐，回復自由的JM悉心打扮，化咗個靚妝貼相發文，戴住口罩，喺車內展示勝利手勢的她，精靈得有晒眼神。至於另一張相就除低口罩，舐晒脷咁展示最愛嘅芝士蛋包。她留言：「感動的一刻#正式告別隔離生活#百感交集的心情#激動到想喊出嚟#一星期前已諗定第一餐食乜好#隻蛋真係冇令我失望。」鄭秀文即比Like；方力申就留言話辛苦晒；亦有網民歡迎女神回歸。