新冠肺炎疫情自今年１月中於本港爆發後，全城瘋搶口罩自保，惜市面上一「罩」難求，市民不單止要捱炒價，仲要通宵排隊購買，幸多得一班有心人及本地企業全球搜羅，更自設口罩生產線「自救」，近月「口罩荒」才得以舒緩！然而，當疫情逐漸緩和，至昨日（5日）連續16日錄得本土「零確診」，港府卻推出遲來的「全民派口罩」措施，每人將獲派一個可重用60次的「銅芯抗疫」口罩，不少市民都批評措施做得太遲，連一向緊貼時事的「夏蕙姨」黃夏蕙今日凌晨都忍唔住於Facebook（Fb）貼出剝口罩照，並寸爆留言：「喺我最需要您嘅時候，你冇出現過，當我徬徨嘅心情平復咗嗰陣，你又話重投我懷抱，仲要愛我60次？我實在太感動啦！」此Po一出，短短數小時已勁吸2.2萬Like，不少網民更留言讚她「靚抽」：「個比喻太溫馨貼切」、「含蓄之餘好到肉」、「美貌與智慧並重呀bb」、「香港女神」、「好正」。